انا الصراحه اول ما خلصت توجيهي علمي كنت حابه ادرس صيدله وكنت اضل ابكي وابكي انو غير الصيدله ما بدي المهم قدمت للجامعه الاردنيه للصيدله وانا كنت بدي ادرس بجامعه حكوميه برضو مش خاصه و طبعا رفضوني مع انو كان معدلي باخر الثمنينات وطلعلي تخصص التصوير الطبي و الاشعاعي بالجامعه الهاشميه طبعا اولها كنت احكي شو هالتخصص و بس بكون اعده ورا كومبيوتر و اكبس ( يعني تاع كبسه ) متل ما بحكو , طبعا اول سنه كانت اسوء سنه لاني كنت بكره التخصص بعدين لما بلشت اخد مواد التخصص و كانت بدايتها تصوير وتحميض ( انك تفهم مكونات الفيلم من جواه وكيف تطلع الصوره و انت تعمل بايدك صوره اشعه صغيره ) كتيير حبيت التخصص و لما تعمقت بالتفاصيل حبيتو اكتر و اكتر , اولها طبعا يعلموك لجهاز الاشعه القديم بعدين الديجتل الحديث والي دخل فيه الكومبيوتر , طبعا اجهزه الاشعه انواع واشكال ما الها نهايه مو جهاز واحد في جهاز الاشعه السينيه العادي (الي تتصور فيه اذا انكسرت ايدك) وفي جهاز الطبقي بحكولو ال CT وهو برضو جهاز بطلع اشعه وفي الرنين (MRI) هاد الجهاز الي بستعمل امواج الراديو مو اشعه سينيه وغيرو و غيرو و طبعا كلوو هاد احنا بنصور فيهم و بنستعملهم و غلطه صغيره منا بتشخص المريض غلط و بروح فيها , المهم هلا التخصص طلع مو تخصص كبسه ابدا فيه علم و كتير كمان وطبعا التخصص امن مش متل ما بحكو فني اشعه يعني رح تمرض بالسرطان لا طبعا محسوبه بالملي كيف يكون الفني محمي , وطبعا تقدر تكمل ماجستير مش بس توقف كفني اشعه بالمستشفيات و ممكن اتدرس بالجامعه كمان
ما بدي اطول عليكو بس بعد ما حبيت التخصص هاد بعد ما كنت اكرهوا صرت بالاصرار و الابداع و العزيمه الاولى على الدفعه و ناويه اكمل فلا تاخد المعلومات الخطا و تبني عليها اعرف الصح وامشي عليه و المستقبل لهاد التخصص بالمستشفيات لانو دائما الاجهزه في تطور و تحتاج الفني الفهمان ليشتغل عليها (;