اسمي مريم عبدالهادي ، تعودت بكل مكان أترك بصمة خاصة. أيام المدرسة كنت أسبوعياً أكتب وألحن أغنية وأطلع أغنيها عالإذاعة.. لما دخلت الجامعه اخترت تخصص اللغات “إسباني” ، أولاً لإيماني إنه تحدثك بلغة تانية بيجعلك مميز ، وتانياً عشان آخذ منحة وأسافر ، لإنه السفر بعلم كتير .. وهاد اللي صار ، حققت حلمي الحمدلله ودرست بإسبانيا 5 شهور ، ولما كنت هناك ، كنت أصور كل اشي حلو .. وبس رجعت على عمان عملت فيلم وثائقي عن تجربتي هناك اسمه “سلام سلامنكا” عرضته بأكتر من جامعة ولقى نجاح كبير :”) اللي مكّني من إني أصنع هالفيلم هو مُشاركتي كعضو بالمكتب الفني بالجامعة ، وقتها ما خلينا أفلام على مسرحيات على سيناريوهات على إيفنتات إلا عملناها.. واستمريت بعد تخرجي بعالم الإعلام واشتغلت بإذاعة حياة وعملت برنامج الحجة سعدية ، وبرنامج بصمة أندلسية ، وآخر أفلامي كان فيلم قصير بعنوان engaging seniors عن دمج كبار السن بالمجتمع .. حلم حياتي ، أشتغل بشركة ديزني..
كلمة للطلبة على مقاعد الدراسة ، ابحث عن التميز في داخلك ، وأظهره للعالم!