مكرمة الجيش

مكرمة جيش شو بتفيد؟
هي بس للطلاب الي بيقدمو على التنافس….بتدفع عنك رسوم الساعات وزي ما حكينا بس تنافس …اذا كنت موازي ما راح تدفع عنك….وانتا بتدفع رسوم التسجيل كل فصل ….وبتنافس على 20% من مقاعد كل تخصص بس مع الي معهم مكرمة جيش

———————————-

مكرمة الجيش بتروح عن الواحد اذا حول تخصصه ؟؟
لا ما بتروح…..بيحول  تخصص وبخبر مكتب البعثات العسكرية (بيكون بالجامعة) وبنقل المكرمة

———————————

مكرمة الجيش بتدفع عني اذا كنت موازي؟؟

لا مكرمة الجيش ما بتدفع عنك الا اذا انقبلت تنافس

———————————

طالب مكرمة الجيش بيدفع رسوم فصلية؟
نعم بيدفعها مثله مثل طالب التنافس ولكن بمبلغ أقل شوي

———————————

بصير اقدم طلب المكرمة السنة هاي وبعديها اقدم السنة الجاي طلب مكرمة جديد؟
لا ما بصير …بس بيحقلك تقدم طلب المكرمة مرة وحدة فقط…واذا بتعيد بتدخل على التخصص الجديد تنافس بدون مكرمة الجيش وبعديها بتحول المكرمة

———————————

انا عندي تكميلية …بيطلعلي مكرمة جيش ؟ وهل الاثنين زي بعض بالقبول ؟
نعم بيطلعلك والاثنين زي بعض اكيد

———————————

مكرمة الجيش بتزيد بالمعدل؟

مكرمة الجيش ما بتزيد ولا علامة….بس انه الطلاب الي معهم مكرمة جيش بيتنافسو لحالهم على 20% من مقاعد كل تخصص

——————————–

هلا اللي بده يتاخر سنه ع شان يرفع معدله رح ضل مكرمة الجيش ولا لا؟؟

اه بتظل بشرط يكون عمرك لما تقدم الطلب اقل من 21 سنة

——————————————–

السلام عليكم شو الاوراق المطلوبة لشراء طلب المكرمة(مكرمة الجيش) قبل ما اشتريه وبعد ما اشتريه؟

الطلب ثمنه خمس دنانير 
الاوراق المطلوبة
صورة عن شهادة التعين 
كتاب من مركز عمل الوالد اذا ما زال عامل
كتاب التقاعد اذا ابوك متقاعد 
كشف علامات
شهادة ميلاد 
وصورة عن دفتر العائلة
وبتعبي النموذج بالبيت وبترجعه للبريد وحسب الوزن بتدفع 

يا ريت تركزوا معي لإنو رح أحكي كلشي بعرفه عن مكرمة الجيش هالبوست رح يجاوب أغلب الأسئلة عن المكرمة 

 لمكرمة الجيش 20% من مقاعد أي تخصص

 تقسّم ال 20 % على محافظات المملكة بحيث يكون لكل محافظة عدد محدد من مقاعد التخصص في كل جامعة

مثال : لمحافظة الكرك مقعد واحد فقط في كلية الطب في جامعة العلوم والتكنولوجيا على مكرمة الجيش ومقعدين في الأردنية

ما حدا يسألني كم في مقعد للمحافظة الفلانية في التخصص الفلاني في الجامعة الفلانية ! 
ما بعرف

أنا بعرف هاي الملعومة فقط التنافس على المكرمة يكون بين أبناء المحافظة الواحدة فقط ، أي أبناء محافظة الكرك يتنافسون فيما بينهم على المقاعد المخصصة للمحافظة يعني كل يلي محسوبين على محافظة الكرك ومعهم مكرمة جيش بتنافسوا مع بعض.

 
انت ما بتتنافس مع كل المملكة ولا مع المحافظات الثانية أنت من أبناء المحافظة المولود فيها والدك ، أي الطالب ينافس على المحافظة المولود فيها والده إذا كان هو العسكري أو مكان ولادة جده من أمه إذا كانت أمه العسكرية