تعا احكيلك شوي عن الاقتصاد 🙂
بالفصحة : هو العلم اللي يبحث في كيفية استخدام الموارد الاقتصادية (المحدودة) في تلبية الحاجات و الرغبات ال (غير محدودة ) , اول ما تبلش بالاقتصاد رح تبلش بالاقتصاد الجزئي يعني كيف رح تطبق الحكي اللي فوق ع شركتك , بيتك , او حتى بمصروفك 🙂 و بعدين الاساس التاني هو الاقتصاد الكلي اللي رح يخليك تتخيل حالك بيوم و انت قاعد ورا مكتبك بالوزارة و بايدك حاجات شعب كامل بدك تلبيها 🙂 و رح تكون 🙂 شايف هدول المادتين ما تنساهم كل المواد اللي بعدهم شرح تفصيلي و رائع الهم 🙂
باليوم اللي طلعلي اقتصاد زعلت كتير , كانت اكبر المستحيلات عندي اني ادخل الاعمال ..
و يمكن لو ما فهمت شو مخبى ورا كلمة اقتصاد كنت ضليت لليوم العن الاعمال -_-
لما قربت اخلص من هالتخصص عرفت اني تعلمت منه اشياء اكبر بكتييييييييير من ورقة رح يعطوني اياها و بسموها سلاح , عرفت ليش سموه علم اجتماع , لانه بعلمك اشياء كتير لحياتك , و لشخصك انت J عشان هيك كان لازم يسموه علم حياة 🙂
علمني الاقتصاد مليون درس , كان اهمهم :
- اني لازم اكون عاقلة راشدة عشان اختار صح , يعني ما في مكان للطيش و المشاعر الزايدة بحياتنا , علمني اني لازم اكون حيادية بقراراتي و ما اتحيز لاي شخص , طائفة او فئة حتى لو كنت انا ..
- علمني افاضل بين الامور و اعرف اني مستحيل اخد كل شي مع بعض , و انه لكل شي “فرصة بديلة “
- علمني احسبها صح , و قبل ما احط رجلي بطريق او افكر بشغلة لازم اعرف اذا كان “مجدية او لا ” .
- علمني اني ما رح اكون انسانة “متوازنة ” باختياراتي غير لما تتساوى عندي ” ال marginal cost مع ال marginal revenue ” و انه لو ال cost زادت عن ال revenue و لو باشي بسيط ف انا عم بروح للخسارة برجلي , مش بس خسارة مادية , لا و خسارة وقتك و احلى ما فيك .
- علمني انه عشان تكون علاقتنا صح و مجدية و تجارتي فيك ربحانة لازم لما “شروطك التجارية (منفعتك مني ) تتحسن , شروطي التجارية تتحسن كمان .
- علمني اتطلع لل ” long term effects ” , و ما انسى حالي و انا حاصرة تفكيري بال ” short term benefits ” .
- اثبتلي الجملة اللي طول عمرنا عارفينها و بنسمعها بحياتنا العملية , باهم قانون بالسوق ” قانون الطلب : كلما انخفض سعر السلعة , ارتفع الطلب عليها ” , علمني انه قد ما كان الطلب قليل سعر السلعة “الضرورية ” بضل متل ما هو , و التاجر الشاطر بطلب السلعة المنيحة مو “الرديئة ” حتى بسوق السلع , مش بس بسوق البني ادمين .
- علمني انه هدف كل تاجر شاطر انه ” يعظم منفعته ” , ففهمت ليه اغلبنا ا ذا مش كلنا اناني و همه بس مصلحته .
- علمني قاعدة كتير مهمة و معناها عظيم ” اذا تقاطعت الدالتين تساوتا عند نقطة التقاطع ” , يعني بالعربي مش كل جدال مع اي شخص صح , اوقات بتكون اعقل كلما تركته يجادل حاله لانك باللحظة اللي رح تتعاطى فيها معاه رح تتساوى معاه , فاختار منيح الدالة اللي رح تتقاطع معها .
- فهمني انه عشان تصير احسن لازم تعمل ” تغيير هيكلي لكل مناحي حياتك ” و الا بتكون عم تحمي اوراق شجرة جذورها ماكلها الدود .
و لسة رح يعلمني اكتر , القصة ما خلصت 🙂
نيرمين جمال – كلية الاعمال / اقتصاد